Houston

Houston
Bandera de Houston (es) Traducir
Alministración
PaísBandera de Estaos Xuníos d'América Estaos Xuníos
EstaosBandera de Texas Texas
Condáu condáu de Harris
Tipu d'entidá ciudá de los Estaos Xuníos
Alcalde de Houston (es) Traducir Sylvester Turner
Nomatu Space City (en)
Códigu postal
Xeografía
Coordenaes 29°45′46″N 95°22′59″W / 29.7628°N 95.3831°O / 29.7628; -95.3831
Houston alcuéntrase en los EE.XX.
Houston
Houston
Houston (los EE.XX.)
Superficie 1724.544507 km²
Altitú 13 m
Demografía
Población 2 304 580 hab. (1r abril 2020)
Porcentaxe 100% de condáu de Harris
7.91% de Texas
0.7% de Estaos Xuníos
Densidá 1336,34 hab/km²
Viviendes 874 827 (31 avientu 2020)
Más información
Fundación agostu 1836
Prefixu telefónicu 281, 832 y 713
Estaya horaria Hora Estándar Central
UTC−06:00 (horariu estándar)
UTC−05:00 (horariu de branu)
Llocalidaes hermaniaes
houstontx.gov
Cambiar los datos en Wikidata

Houston ye una ciudá del estáu norteamericanu de Texas. Ye, colos sos 2.303.000 habitantes (2016)[1], la más poblada del estáu y la cuarta más poblada de tolos Estaos Xuníos. Asitiada nel sureste de Texas, cerca del golfu de Méxicu, ye la sé del condáu de Harris y la ciudá principal del Gran Houston, que ye la quinta área estadística metropolitana más poblada de los Estaos Xuníos.

Houston foi fundada'l 30 d'agostu de 1836, cerca les orielles del bayou de Buffalo (anguaño conocíu como Allen's Landing[2], y foi incorporada como ciudá el 5 de xunu de 1837. Recibió'l so nome del del xeneral Sam Houston, que fora presidente de la República de Texas y tenía dirixíu l'exércitu texanu na batalla de San Jacinto, qu'ocurrió a unos 40 km al este de la situación de la ciudá. El desarrollu del so puertu y de la industria del ferrocarril, combinada col descubrimientu de petroleu en 1901 y col pasu de Houston a ser el principal puertu de Texas llueu de que, en 1900, un furacán estrozara la ciudá portuaria de Galveston, ficieron medrar de siguío la so población. A mediaos del sieglu XX Houston convirtióse na sé del Texas Medical Center, la mayor concentración mundial d'instituciones d'asistencia ya investigación sanitaria, y del centru de control de la NASA.

La economía de la ciudá tien una importante base industrial, na que rescamplen los sectores de la enerxía, les manufactures, l'aeronáutica y el tresporte. Ciudá puntera nos sectores sanitariu y de construcción d'equipamientu pa la esplotación de pozos petrolíferos, el so puertu ye'l primeru del país en movimientu internacional de mercancíes, y el segundu en tonelaxe total movíu[3]. Houston, que tien el nomatu de Space City (La ciudá del espaciu), ye una ciudá global, fuerte nos sectores de negocios, comerciu internacional, entretenimientu, cultura, medios de comunicación, moda, ciencia, deportes, teunoloxía, educación, medicina ya investigación. La so población amiesta individuos de procedencia étnica y relixosa perdistinta: ye la ciudá con mayor diversidá étnica de Texas, y dellos autores considérenla la de mayor diversidá étnica y racial de toles metrópolis d'Estaos Xuníos[4]. Ye la sé de munches instituciones culturales y museístiques, de forma que'l distritu de los museos (Houston Museum District) atrae a más de siete millones de visitantes al añu. Tien tamién un circuitu teatral peractivu, qu'ufre a los espectadores espectáculos escénicos de toa triba demientres tol añu[5].

Llocalidaes hermaniaes

Les ciudaes hermaniaes con Houston son:

  1. «Houston city, Texas». U.S. Census Bureau (1 de xunetu de 2016). Consultáu'l 9 d'abril de 2018.
  2. McComb, David G. (19 de xineru de 2008). «Houston, Texas». Handbook of Texas Online. Consultáu'l 9 d'abril de 2018.
  3. «2010 Port Industry Statistics, American Association of Port Authorities».
  4. «The Most Diverse City in the Nation Is». Huffington Post. 5 de marzu de 2012. http://www.huffingtonpost.com/2012/03/05/houston-most-diverse_n_1321089.html. 
  5. Museums and Cultural Arts». Archiváu dende l'orixinal, el 11 de xunetu de 2010. (31.8 KB)", Greater Houston Partnership. Consultáu el 9 d'abril de 2018.
  6. URL de la referencia: http://wb.nanjing.gov.cn/njszfwsbgs/201810/t20181023_616096.html.
  7. URL de la referencia: http://baku-ih.gov.az/page/26.html.
  8. URL de la referencia: https://perth.wa.gov.au/council/partnerships/sister-cities.
  9. URL de la referencia: https://portales.sre.gob.mx/coordinacionpolitica/images/stories/documentos_gobiernos/rai/nle/nl32a.pdf.
  10. URL de la referencia: https://www.leipzig.de/buergerservice-und-verwaltung/partnerstaedte/houston/.
  11. URL de la referencia: http://www.wb.dl.gov.cn/index.php/home/index/news_list/id/890/column_id/2.html.
  12. URL de la referencia: https://vsluh.ru/novosti/obshchestvo/druzhit-gorodami-kak-tyumen-podderzhivaet-svyaz-s-pobratimami_326953/.